ເງື່ອນໄຂການໃຊ້ບໍລິການ

ບົດບາດຂອງ Laosshop

Laosshop ເປັນແພລັດຟອມກາງທີ່ໃຫ້ຜູ້ຂາຍເປີດຮ້ານ ແລະ ຜູ້ຊື້ສັ່ງຊື້ ສັນຍາຊື້-ຂາຍເກີດຂຶ້ນລະຫວ່າງຜູ້ຊື້ ແລະ ຜູ້ຂາຍໂດຍກົງ ເງິນຄ່າສິນຄ້າໂອນເຂົ້າບັນຊີຂອງຜູ້ຂາຍ ເວັ້ນແຕ່ຈ່າຍຜ່ານລະບົບຊຳລະເງິນຂອງ Laosshop

ຄວາມຮັບຜິດຊອບຂອງຜູ້ຂາຍ

• ຂາຍສິນຄ້າທີ່ຖືກກົດໝາຍ ແລະ ຕົງກັບຄຳອະທິບາຍ
• ສົ່ງເຄື່ອງພາຍໃນເວລາທີ່ສົມເຫດສົມຜົນ ແລະ ອັບເດດເລກພັດສະດຸ
• ໃຊ້ຂໍ້ມູນລູກຄ້າສະເພາະເພື່ອຈັດສົ່ງອໍເດີເທົ່ານັ້ນ
• ຮັບຜິດຊອບການຄືນເງິນ ຫຼື ປ່ຽນສິນຄ້າຕາມທີ່ຕົກລົງກັບຜູ້ຊື້

ການລະງັບ ບັນຊີດຳ ແລະ ການດຳເນີນຄະດີ

Laosshop ມີສິດລະງັບ ຫຼື ປິດຮ້ານທີ່ສໍ້ໂກງ ບໍ່ສົ່ງເຄື່ອງ ຂາຍສິນຄ້າຜິດກົດໝາຍ ຫຼື ລະເມີດເງື່ອນໄຂ ໂດຍບໍ່ຕ້ອງແຈ້ງລ່ວງໜ້າ ເຈົ້າຂອງຮ້ານ ແລະ ເລກບັນຊີທະນາຄານທີ່ໃຊ້ຮັບເງິນຈະຖືກຂຶ້ນບັນຊີດຳຖາວອນ ແລະ Laosshop ຈະສົ່ງຫຼັກຖານໃຫ້ຜູ້ເສຍຫາຍ ແລະ ເຈົ້າໜ້າທີ່ເພື່ອດຳເນີນຄະດີຕາມກົດໝາຍ ລາຍລະອຽດຢູ່ໃນ “ນະໂຍບາຍປ້ອງກັນການສໍ້ໂກງ ແລະ ບັນຊີດຳ”

ຂໍ້ຈຳກັດຄວາມຮັບຜິດຊອບ

Laosshop ພະຍາຍາມກວດສອບຮ້ານ ແລະ ສະລິບໃຫ້ດີທີ່ສຸດ ແຕ່ບໍ່ສາມາດຮັບປະກັນຄຸນນະພາບສິນຄ້າ ຫຼື ການປະຕິບັດຂອງຜູ້ຂາຍທຸກຮ້ານໄດ້ ຜູ້ຊື້ຄວນເລືອກຮ້ານທີ່ຢືນຢັນຕົວຕົນແລ້ວ ແລະ ໃຊ້ຈ່າຍປາຍທາງກັບຮ້ານທີ່ຍັງບໍ່ຢືນຢັນ