ວິທີເປີດຮ້ານອອນລາຍຟຣີໃນ Laosshop

ຂັ້ນຕອນ

1. 1

   ສະໝັກສະມາຊິກ

   ກົດ “ເປີດຮ້ານ” ແລ້ວສະໝັກດ້ວຍອີເມວ ຫຼື ບັນຊີ Google ຖ້າໃຊ້ອີເມວ ກະລຸນາກົດລິ້ງຢືນຢັນທີ່ Laosshop ສົ່ງໃຫ້ກ່ອນ

2. 2

   ສ້າງຮ້ານ

   ຕັ້ງຊື່ຮ້ານ ແລະ ລິ້ງຮ້ານ (slug) ເຊັ່ນ laosshop.co/store/ຊື່ຮ້ານ ອັບໂຫຼດໂລໂກ້ ແລະ ຮູບໜ້າປົກ ຂຽນຄຳອະທິບາຍສັ້ນໆ ວ່າຮ້ານຂາຍຫຍັງ

3. 3

   ຕັ້ງຄ່າຊ່ອງທາງຮັບເງິນ

   ໃສ່ບັນຊີທະນາຄານ ຫຼື ອັບໂຫຼດ QR ຮັບເງິນ ແນະນຳ BCEL ເພາະລະບົບກວດສະລິບກັບທະນາຄານໃຫ້ອັດຕະໂນມັດ ຮ້ານທີ່ຢືນຢັນຕົວຕົນລະດັບ L2 ສາມາດເປີດ LAPNet QR ຮັບເງິນຈາກທຸກແອັບທະນາຄານໄດ້

4. 4

   ຕັ້ງຄ່າການຈັດສົ່ງ

   ເລືອກຂົນສົ່ງ HAL Express ຫຼື Anousith Express ກຳນົດຄ່າສົ່ງແບບເໝົາຕໍ່ອໍເດີ ຫຼື ຄິດຕໍ່ຊິ້ນ ແລະ ເລືອກວ່າຈະຮັບຈ່າຍປາຍທາງ (COD) ຫຼື ບໍ່

5. 5

   ລົງສິນຄ້າ

   ໃສ່ຊື່ ລາຄາ ຮູບ ໝວດສິນຄ້າ ແລະ ຈຳນວນສະຕັອກ (ຫຼື ເລືອກ “ຂາຍເລື້ອຍໆ” ຖ້າບໍ່ນັບສະຕັອກ) ຮູບພື້ນຂາວ ຊັດເຈນ ຂາຍໄດ້ດີກວ່າ

6. 6

   ແບ່ງປັນລິ້ງຮ້ານ

   ເອົາລິ້ງຮ້ານໄປວາງໃນ Facebook, TikTok, WhatsApp ຫຼື ໂປຣໄຟລ໌ຂອງທ່ານ ລູກຄ້າກົດເຂົ້າມາສັ່ງຊື້ໄດ້ທັນທີ

7. 7

   ຢືນຢັນຕົວຕົນຮ້ານ

   ອັບໂຫຼດບັດປະຈຳຕົວ ແລະ ຮູບຖ່າຍຄູ່ບັດ ເພື່ອຮັບປ້າຍ “ຢືນຢັນແລ້ວ” ລູກຄ້າໝັ້ນໃຈຂຶ້ນ ແລະ ຮ້ານໄດ້ສິດເປີດການຊຳລະເງິນຜ່ານ Laosshop

ເມື່ອມີອໍເດີເຂົ້າມາ

ທຸກອໍເດີຈະສະແດງໃນສູນຜູ້ຂາຍ ພ້ອມຊື່ ເບີໂທ ສາຂາຂົນສົ່ງທີ່ລູກຄ້າເລືອກ ແລະ ສະລິບທີ່ອັບໂຫຼດ ຖ້າລູກຄ້າຈ່າຍຜ່ານ BCEL ONE ລະບົບຈະກວດສະລິບກັບທະນາຄານ ແລະ ຢືນຢັນອໍເດີໃຫ້ອັດຕະໂນມັດ ສະລິບຈາກທະນາຄານອື່ນທ່ານກົດກວດ ແລະ ຢືນຢັນເອງ

ຫຼັງຈາກສົ່ງເຄື່ອງ ໃຫ້ໃສ່ເລກພັດສະດຸໃນອໍເດີ ລູກຄ້າຈະເຫັນສະຖານະໃນໜ້າອໍເດີຂອງເຂົາເອງ

ເຄັດລັບໃຫ້ຂາຍດີ

• ຕັ້ງຊື່ສິນຄ້າໃຫ້ຄົນຄົ້ນຫາເຈີ ເຊັ່ນ ບອກຍີ່ຫໍ້ ຂະໜາດ ສີ
• ໃສ່ຮູບຫຼາຍມຸມ ແລະ ຂຽນລາຍລະອຽດຄົບ ລູກຄ້າຈະຖາມໜ້ອຍລົງ
• ຢືນຢັນຕົວຕົນໃຫ້ຮອດ L2 ເພື່ອຮັບເງິນຜ່ານ LAPNet QR ໄດ້ທັນທີ ບໍ່ຕ້ອງລໍຖ້າສະລິບ
• ຕອບອໍເດີ ແລະ ອັບເດດເລກພັດສະດຸໄວ ຊ່ວຍໃຫ້ຮ້ານໄດ້ຄວາມເຊື່ອຖື